Фото:ЖИ

Оқу-ағарту министрі Жұлдыз Сүлейменова Қазақстанда мектеп оқулықтарын кезең-кезеңімен қайта басып шығару жұмыстары басталғанын мәлімдеді.

Министрдің айтуынша, 30 тамызға дейін 3–9-сыныптарға арналған оқулықтар жаңартылып, жыл соңына дейін 4–9-сыныптарға, кейін 8-сыныптарға арналған оқулықтар қайта басылып шығады.

Жұлдыз Сүлейменова бұл өзгерістердің оқулықтардағы қателерге байланысты емес екенін атап өтті. Оның айтуынша, қолданыстағы заңнамаға сәйкес, мектеп оқулықтары әр бес жыл сайын міндетті түрде жаңартылып отырады. Сонымен қатар, білім беру бағдарламалары да жаңартылғандықтан, оқулықтардың мазмұны жаңа білім беру стандарттарына сәйкестендірілуде.

Сондай-ақ, биылғы 1 қыркүйектен бастап Қазақстанда білім беру саласына жасанды интеллектіні енгізу бойынша пилоттық жоба іске қосылады.