Фото: gov.kz

Әлеуметтік желілерде елдің түрлі қалаларындағы мамандандырылған халыққа қызмет көрсету орталықтарында түсірілген видеолар тарады. Кадрларда қазақстандықтардың ұзын-сонар кезекте тұрғанын көруге болады. Белгілі болғандай, тұрғындар көліктеріне мемлекеттік нөмір таңдау үшін жиналған.

Бұған дейін Ішкі істер министрлігі қазақстандықтарға мемлекеттік тіркеу нөмірлік белгілерін өз бетінше таңдауға мүмкіндік берілетінін хабарлаған еді. Енді автокөлік иелері қалаған цифрлық және әріптік комбинацияны таңдай алады.

Қызмет 5 қаңтардан бастап қолжетімді. Оның құны – 10 АЕК (43 250 теңге) және 15 АЕК (64 875 теңге). Сонымен қатар полиция өкілдері сұранысы жоғары «ерекше» мемлекеттік нөмірлер үшін жеке баж салығы қарастырылғанын ескертеді.