Қазақстанда тұрмыстық қатты қалдық полигондарының 80%-ы рұқсатсыз жұмыс істейді. Бұл — шамамен 2 400 нысан. Бұл туралы Экология және табиғи ресурстар министрлігінің Қалдықтарды басқару департаментінің директоры Руслан Түкенов мәлімдеді.

Оның айтуынша, мәселені шешу үшін 100 полигон салу, әкімдіктердің жұмысын күшейту және қоқыс жағатын зауыттар салу жоспарланып отыр. Алайда нақты мерзім әзірге белгісіз. Министрлік өкілі бұл мәселені «күрделі» деп атады.