Фото: freepik

Қазақстан Республикасының Ауыл шаруашылығы министрлігі шикі сәбізді шетелге шығаруға уақытша тыйым салу жөніндегі құжат жобасын жариялады. Ұсынылып отырған тыйым үш ай мерзімге жоспарланған. Ведомство бұл шараны елдің азық-түлік қауіпсіздігін қамтамасыз ету қажеттілігімен түсіндіруде.

Алайда Павлодар облысының фермерлері алаңдаушылық білдіріп отыр. Олардың айтуынша, тыйым енгізілсе, қоймаларда мыңдаған тонна сәбіз қалып, шіріп кетуі мүмкін. Ауыл шаруашылығы өнімін өндірушілердің бағалауынша, келтірілетін шығын көлемі 40 млн теңгеге дейін жетуі ықтимал.