Фото: freepik.com

Туризм және спорт министрлігі редакциямыздың сауалына берген жауабында 2025 жылдың қорытындысы бойынша 1,8 миллион баланың дене шынықтыру және спортпен жүйелі түрде айналысатынын хабарлады. Елде 526 балалар-жасөспірімдер спорт мектебі, 922 балалар-жасөспірімдер клубы жұмыс істейді, мемлекеттік тапсырыс аясында 7 мыңнан астам тегін секция ашылған. Жалпы спорт саласын дамытуға 400 млрд теңге бөлінген.

Алайда шынайы жағдай кей өңірлерде басқаша көрінеді. Мәселен, Атырау қаласында блогер Нұрлан Жұнасов балалар бокс үйірмесіне барып, ғимараттың ескі, тар әрі сыртқы келбеті әбден тозғанын көрсетті.

Ұқсас алаңдатарлық жайттар Астана қаласынан да түсуде. Тұрғындардың айтуынша, балалар көркем гимнастикамен айналысып жүрген, барлық талапқа сай келетін ғимаратты мемлекеттік банктің бөлімшесіне беру мәселесі қарастырылуда. Ата-аналар шенеуніктерден араласып, секцияны сақтап қалуды сұрайды.

Министрлік есебінде 169 мың спорт секциясы жұмыс істейтіні айтылғанымен, мұндай оқиғалар ресми деректермен кереғар көрінеді. Есептерде – миллиондаған бала қамтылғаны және мыңдаған нысан бар екені көрсетілсе, әлеуметтік желілерде – тозығы жеткен ғимараттар, тар залдар және жалғыз лайықты орынды жоғалту қаупі туралы шағымдар жариялануда.

Егер спорт саласында бәрі жақсы болса, неге балалар әлі күнге дейін спартандық жағдайға ұқсас ортада жаттығуға мәжбүр?

Біз «Halyq сұранысы» айдарын жалғастырамыз. Қордың жауабын толық, қысқартусыз жариялаймыз. Сауал 2026 жылғы 16 ақпанда жолданды. Жауап 2026 жылғы 20 ақпанда Қазақстан Республикасы Туризм және спорт министрінің орынбасары Серік Жарасбаевтан алынды.