Әкімдердің халықпен есептік кездесулері бойынша жарияланымдар топтамасын жалғастырамыз. Бұл жолы кезек Атырау облысының әкімі Серік Шәпкеновке келді. 2025 жылы ол барлық аудандар мен облыс орталығында көшпелі кездесулер өткізді.  Ал 2026 жылы бұл кездесулер маусымнан қарашаға дейін жалғасады.

Тұрғындар көбінесе жолдардың жағдайы, құрылыс және тұрғын үй-коммуналдық шаруашылық мәселелерін көтереді. Оның ішінде электрмен қамту, кәріз жүйесі және әлеуметтік нысандар салу бар.

Кездесулер барысында барлығы 138 мәселе көтерілген: оның 44-і шешілген, ал 84-і орындалу үстінде. Жалпы орындалу деңгейі шамамен 40%-ды құрайды. Сонымен қатар, әкімдікте шешілмей қалған мәселе жоқ екенін айтады — барлық өтініштер іске асыру кезеңінде.

Билік өкілдерінің айтуынша, өтініштердің басым бөлігі инфрақұрылымдық жобаларға қатысты. Мұндай жобаларды жүзеге асыру үшін уақыт қажет: жобалық-сметалық құжаттама (ЖСҚ) әзірлеу, сараптамадан өткізу, қаржыландыру бөлу және мемлекеттік сатып алу рәсімдерін жүргізу керек.

Өңір тұрғындары балама байланыс арналары арқылы да белсенді түрде өтініш білдіреді: «109» call-орталығы, Telegram-дағы TazaQazBot боты және әкімдік чаты. Соның ішінде ең көп қолданылатын арна — «109».

Әкімдікте әлеуметтік желілердің танымалдығын олардың қолжетімділігімен және ақпараттың жылдам таралуымен түсіндіреді. Бұл платформалар арқылы мәселеге назар аударту және қоғамдық қолдау табу оңайырақ.