Қолайсыз ауа райына байланысты Астанада әуе рейстері кешіктіріліп жатыр. Әуежай әкімшілігінің хабарлауынша, барлық қызметтер күшейтілген режимде жұмыс істеп, ұшу қауіпсіздігін қамтамасыз ету үшін қажетті шаралар қабылдануда..

Қазіргі таңда 1 рейстің келуі тоқтатылып, 11 рейс кешіктірілген. Сондай-ақ 4 рейстің ұшуы уақытша кейінге қалдырылды. Кешігудің негізгі себебі – ауа райына байланысты ұшақтардың уақытында келмеуі.

Сонымен қатар, «ҚазАвтоЖолдың» соңғы мәліметіне сәйкес, Ақмола облысында 11 автожол жабылды:

• Астана – Атбасар – Жақсы – Рузаевка – Сарыкөл – Қостанай – РФ шекарасы (16–135 км, Астана – Астраханка);
• Астана – Шідерті – Павлодар – Успенка – РФ шекарасы (16–200 км, Астана – Павлодар облысының шекарасы);
• Астана – Қарағанды – Алматы (30–92 км, Жібек жолы БӨП – Қарағанды облысының шекарасы);
• Астана – Қорғалжын (36–180 км, Ақмол ауылы – Қаражар ауылы);
• Астана – Қабанбай батыр – Нұра – Теміртау (35–51 км, Қабанбай батыр ауылы – Қарағанды облысының шекарасы);
• Астана – Көкшетау – Петропавл – РФ шекарасы (18–232 км, Астана – Щучинск);
• Астана – Атбасар – Жақсы – Рузаевка – Сарыкөл – Қостанай – РФ шекарасы (135–280 км, Астраханка – Атбасар);
• Астана – Көкшетау – Петропавл – РФ шекарасы (232–304 км, Щучинск – Көкшетау);
• Астана – Көкшетау – Петропавл – РФ шекарасы (304–341 км, Көкшетау – СҚО шекарасы);
• Көкшетау – Рузаевка (0–61 км, Көкшетау – СҚО шекарасы);
• Көкшетау – Кішкенекөл – Бидайық (2–50 км, Көкшетау – СҚО шекарасы).

Жүргізушілер мен жолаушыларға жолға шығар алдында ауа райы мен жол жағдайын алдын ала нақтылау ұсынылады.