Ақтау қаласының 4-шағынауданында белгісіз адамдар шамамен 40-қа жуық жетілген ағашты аяусыз зақымдап, оларды қақ ортасынан кесіп тастаған, деп жазады «Лада» басылымы.

Бұл аула — жергілікті тұрғынның көпжылдық еңбегінің нәтижесі. Ол өз қаражатына шамамен 200 ағаш пен 3000-нан астам бұта отырғызған.

Тұрғындар бұл жағдайды вандализм деп бағалап, кінәлілерді табуды талап етуде. Ал әкімдік өкілдері тексеріс жүргізіліп, құқықтық баға берілетінін мәлімдеді.

Ең өкініштісі — бұл оқиға Президент бастамасымен жүзеге асып жатқан «Таза Қазақстан» акциясы аясында орын алып отыр.

Әлбетте, қала әкімі Әбілқайыр Байпақов пен облыс әкімі Нұрдәулет Қилыбай бұл жағдайды бақылауға алуы тиіс.