Фото: Lada.kz сайты, Ақтау тұрғындарының фотосы

Ақтау қаласында тұрғындар 6-шағынаудандағы №38 үйдің жанында орналасқан аяқталмаған ғимаратқа назар аударды. Бұл нысанның құрылысы аяқталмай тұрғанына сегіз жыл. Нысан әкімдік маңында орналасқан. Қала тұрғындарының айтуынша, ұзаққа созылған құрылыс қала орталығының көркін бұзып, қараусыз қалған әсер қалдырады.

Бұл мәселеге байланысты біз әкімдікке жүгініп, келесі жауапты алдық: нысанды ұзақ құрылыс ретінде тану мәселесі Мемлекеттік сәулет-құрылыс бақылауы (ГАСК) құзыретіне жатады. Қазіргі таңда аталған нысан проблемалық объектілер тізіміне енгізілмеген.

Әкімдік өкілдері меншік иесімен түсіндіру жұмыстары жүргізіліп жатқанын атап өтті. Егер жағдай өзгермесе, заңнама аясында жер телімін мемлекет меншігіне қайтару немесе жобаны басқа инвесторға беру сияқты шаралар қарастырылуы мүмкін.