Фото: gov.kz

Алматыда «Қалқаман» метро станциясын биыл желтоқсан айында іске қосу жоспарланып отыр. Бұл туралы қала әкімдігі ресми сауалға берген жауабында хабарлады.

Қазіргі уақытта нысанның жалпы құрылыс дайындығы 93 пайызға жеткен. Негізгі құрылыс-монтаж жұмыстары аяқталды. Қазір станцияның ішкі әрлеу жұмыстары, инженерлік жүйелерді монтаждау және айналасындағы аумақты абаттандыру жүргізіліп жатыр.

Станция ашылғаннан кейін метроның жолаушылар ағыны тәулігіне шамамен 130 мың адамға жетеді деп күтілуде.

Сондай-ақ қосымша метро пойыздарын сатып алу 2027 жылға жоспарланған. Жаңа станциялар іске қосылғаннан кейін пойыздардың жүру аралығы қайта қаралады.