Павлодар облысының әкімдігінде балалар жұқпалы аурулар ауруханасының палаталарында пациенттердің суыққа шағымдануына қатысты ресми түсініктеме жасалды.

Әкімдік өкілдерінің мәліметінше, аурухана ғимаратының тозу деңгейі шынымен де 50 пайызды құрайды. Медициналық мекемеде соңғы рет күрделі жөндеу жұмыстары 2008 жылы жүргізілген.

Сонымен қатар, ауруханада жылыту жүйесі тұрақты жұмыс істеп тұрғаны атап өтілді. Дегенмен, ғимараттағы терезелерді ауыстыру қажеттілігі бар екені мойындалды.

Қазіргі таңда терезелерді ауыстыруға арналған 87,5 млн теңге көлемінде сметалық құжаттама әзірленіп, бюджеттен қаржы бөлуге өтінім беру жоспарланып отыр. Ал жөндеу жұмыстарының нақты қашан басталатыны әзірге хабарланған жоқ.