Фото: Noks.kz

Риддер қаласының тұрғындары бірнеше жыл бұрын ауқымды жаңғырту жұмыстарынан кейін пайдалануға берілген қалалық саябақтағы қоғамдық дәретханалардың әлі күнге дейін жұмыс істемейтініне назар аударды.

Тұрғындардың айтуынша, дәретханалар қажетті жабдықтармен қамтамасыз етіліп, бағыттаушы белгілер де орнатылған. Алайда олардың есігі шамамен үш жылдан бері жабық тұр.

Риддер қаласы әкімдігінің мәліметінше, дәретханаларға қызмет көрсететін мердігер ұйым анықталған. Қазіргі уақытта олардың жұмыс істеу тетігі пысықталып жатыр. Осы жұмыстар аяқталғаннан кейін нысан келушілер үшін ашылады деп жоспарлануда.

Дегенмен дәретханалардың нақты қашан іске қосылатыны әзірге белгісіз.

Сондай-ақ, Halyq Press редакциясы дәретханалардың іске қосылуының не себепті ұзаққа созылғанын және олардың қашан ашылатынын анықтау мақсатында Шығыс Қазақстан облысы әкімдігіне ресми сауал жолдады.