Редакция: +7 (701) 160 9439
Присоединяйтесь:

Петропавлда жабылған жаяу жүргіншілер көпірінің қашан жөнделетіні белгісіз

Петропавлда жабылған жаяу жүргіншілер көпірінің қашан жөнделетіні белгісіз

Петропавлдағы Жұмысшы кентінде теміржол үстінен өтетін жаяу жүргіншілер көпірінің жабылуы тұрғындарға қиындық туғызды. Әсіресе жұмысқа баратын азаматтар мен мектеп оқушыларына қолайсыздық келтіріп отыр. Алайда қала әкімдігі көпірдің қашан жөнделіп, қайта ашылатынын нақты айта алмады.

Тұрғындардың шағымынан кейін журналистер қала әкімдігінен көпірді жөндеу мерзімі мен оны пайдалануға беру жоспары туралы ақпарат сұраған.

Әкімдіктің мәліметінше, аталған жаяу жүргіншілер көпірі «Ресей темір жолдары» ААҚ балансында тұр және қаланың коммуналдық меншігіне кірмейді.

Сондықтан жергілікті атқарушы орган көпірдің жөндеу жұмыстары қашан басталып, қашан аяқталатыны туралы мәлімет бермеген. Бұл мәселеге қатысты «Ресей темір жолдары» компаниясына жүгінуді ұсынған.

Осылайша, көпірдің қашан қайта ашылатыны әзірге белгісіз. Ал тұрғындар күнделікті қатынауда қиындық көріп отыр.

Айта кетейік, Солтүстік Қазақстан облысының әкімі – Ғауез Нұрмұхамбетов, ал Петропавл қаласының әкімі – Серік Мұхамедиев.

Похожие материалы