Фото: «Отбасы банк»

«Отбасы банк» басшысы Ләззат Ибрагимова биыл әлеуметтік ипотека алу үшін белгіленген табыс шегін қайта қарау жоспарланбағанын мәлімдеді.

Оның айтуынша, бұл көрсеткіштер ең төменгі күнкөріс деңгейіне байланысты және жыл сайын соған сәйкес өсіп отырады.

Банк әлеуметтік ипотекаға қатысу үшін табыс шегін көтеруді ұсынып отыр. Алайда соңғы талаптарды Қазақстан Республикасының Өнеркәсіп және құрылыс министрлігі бекітеді.