Фото: wikipedia.org

Таяу Шығыстағы жағдайдың ушығуына байланысты Air Astana әуе компаниясы Біріккен Араб Әмірліктеріне ұшатын рейстерін уақытша тоқтатты.

Тоқтатылған рейстер:

• 13 және 14 шілде – Алматы – Дубай – Алматы (KC897/898);
• 14 шілде – Астана – Дубай – Астана (KC205/206).

Рейстері тоқтатылған жолаушылар билет құнын толық қайтара алады немесе оны 31 шілдеге дейінгі рейстерге қосымша ақысыз қайта брондай алады. Бұл мүмкіндік 12–18 шілде аралығына жоспарланған билеттерге қатысты.

Әуе компаниясы Таяу Шығыстағы жағдайды жіті бақылап отырғанын және жолаушыларды елге қайтару мәселесін пысықтап жатқанын мәлімдеді. Ұшу кестесіндегі өзгерістер туралы қосымша ақпарат кейінірек жарияланады.