Фото: zakon.kz

Ербол Мырзабосыновтың айтуынша, спортшыға келісімшарттың барлық талаптары жан-жақты түсіндірілгеннен кейін құжатқа қол қойылған. Министр бұл келісімшарттың стандартты үлгіде әзірленгенін атап өтті. Жекелеген спортшылар үшін ерекше шарттар қарастырылмайды.

Министрдің сөзінше, жағдайды бірлесіп талқылау барысында туындаған келіспеушіліктердің негізгі себебі орындаушылар мен менеджерлер тарапынан коммуникацияның жеткіліксіз болғаны анықталған.

Сондай-ақ министр бұл мәселеге нүкте қоюды ұсынып, жағдайдың толықтай реттелгенін жеткізді. Оның айтуынша, ендігі кезекте спортшы жаңа маусымға дайындыққа бар күш-жігерін жұмылдыруы тиіс.