Фото cts.gov.kz

Бүгін елордада тарихи сәттердің бірі өтіп жатыр — CTS компаниясы көптен күткен LRT нысандары бойынша көшпелі баспасөз турын ұйымдастырды. Жүйені ресми түрде 16–17 мамыр күндері іске қосу жоспарланып отыр.

Сіздер үшін ең маңызды ақпаратты жинадық:

• Жобаны жүзеге асырған қытайлық мердігер 10 жылдық кепілдік береді.
  💰 Құрылыстың жалпы құны — 1,8 млрд доллар.

• Маршруттың ұзындығы — 22,4 шақырым. Әуежайдан «Нұрлы жол» вокзалына дейінгі жол шамамен 40 минутты алады.

• Жүйеде 18 станция қарастырылған. Олар елорданың іскерлік орталықтары мен тұрғын аудандарын байланыстырады.

• Бір пойыздың сыйымдылығы — 600 жолаушыға дейін. Іске қосылғаннан кейін тәуліктік жолаушылар ағыны 25–45 мың адам болады деп күтілуде.

⏰ LRT жұмыс уақыты — таңғы 06:00-ден кешкі 23:00-ге дейін.

• Пойыздар аралығы 5–6 минут болады.

• Жолақы құны — төлем тәсіліне қарамастан 200 теңге.

• Төлемді банк картасымен, Apple Pay/Samsung Pay арқылы телефонмен немесе QR-кодпен жасауға болады. Егер жолаушыда банк картасы болса, терминалға жақындатудың қажеті жоқ.

• Қолма-қол төлем үшін станцияларда терминалдар орнатылады. Ол жерден бір реттік қағаз билет сатып алуға немесе көлік картасын толықтыруға болады.

• Пойыздардың өзі жүргізушісіз болады, ал бүкіл желіні бірыңғай диспетчерлік орталық басқарады.

• Болашақта LRT желісін Қосшыға дейін ұзарту жоспарланған. Бұл жоба шамамен 2027 жылдың соңына қарай жүзеге асуы мүмкін. Сонымен қатар, қаржыландыру болған жағдайда, желіні оң жағалауға және ескі вокзалға дейін ұзарту мәселесі де қарастырылып жатыр.

• Жаңа бағыт Хан Шатыр, Тұран даңғылы, Radisson, Кенесары көшесі, Жеңіс даңғылы және ескі вокзал арқылы өтуі мүмкін.

• Келешекте «Нұрлы жол» вокзалы мен станцияны тікелей жалғайтын өткел салу жоспарланған. Бұл жолаушыларға сыртқа шықпай-ақ вокзалға өтуге мүмкіндік береді. Әуежайда мұндай шешім қазірдің өзінде іске асырылған.

• Станциялардың ішінде коммерциялық дүкендер болмайды — тек кофе аппараттары орнатылады.

Баспасөз турындағы атмосфера мен жобаға деген қызығушылыққа қарағанда, LRT-ның іске қосылуы елордадағы соңғы онжылдықтардағы ең көп талқыланатын оқиғалардың біріне айналуы мүмкін.